amilissaungur

þær eiga afmæli í dag
þær eiga afmæli ídag
þær eiga afmæli, nína og marta,
þær eiga afmæli í dag

þær eru 24 ára í dag
þær eru 24 ára í dag
þær eru 24 ára, nína og marta,
þær eru 24 ára í dag.

og þrefalt´húrra fyrir þeim húrra húrra húrra.

hvernig finnst ykkur þesssi bleiku ósköp hérna? ég er engan vegin viss um að ég höndli þetta öllu lengur! bleik gleði og sykurpúðar eru einungis eitthvað sem ég get feikað í svo og svo langan tíma!

og hver ætlar að nýta sér gjafmildi og gleði þýskunema og koma í risatjald að drekka ódýran bjór í lederhausen og jóðla?

hvernig stendur á því að það eru 7 manneskjur skráðar á þessa guðdómlegu síðu en ég virðist vera sú eina sem á nægilega lítið líf til þess að röfla á þessari síðu? hvar eruð þið dömur og af hverju hafið þið ekkert að segja! finnið tíma ég þarf eitthvað að lesa í þessu leiðindalífi mínu!

kvikmyndahátíðin var að klárast, allaf auðvitað of stutt og endar of hratt. ég er ekki ánægð með hversu fáar myndir ég hef séð en ég hef í það minnsta verið heppin, prinsessa var mjög góð og líka Taxidermia, hún kom líklega mest á óvart. guantanamo vakti mann til hugsunar og viðvera mannanna tveggja jók það hversu hneykslaður maður getur orðið yfir runnabjálfanum.

í hamingjusömum fréttum kláraði ég ritgerð í miklum flýti áðan, var ekki ánægð en tímalaus eins og alltaf, svo kíkti ég inn á netið, stolna heimanetið mitt og sá frétt á uglunni um fallega fallega frestun fram á miðvikudag! nú get ég klárað ritgerðina almennilega. og fréttin við hlið þessarar var sú að það er frí í síðasta tímanum mínum á morgun. all in all góður góður sunnudagur, ekki þunn, góður matur a la mamsa og frestur og frí júbdí þessi bleika síða virðist barasta vera að virka.

skál

Hver ætlar að koma á kvikmyndahátíð?


ég ákvað að peppa upp síðuna og gerast hamingjusöm alltaf!

já helgin er búin. mánudagur ógnar manni með þurrkuntuskap og leiðindum. ég hef áður rætt um hatur mitt á g-strengsnærum en það er svo djúpstætt að ég hef ákveðið að ræða þetta enn frekar. hverjum datt þetta í hug? eins mikið og ég vildi geta kennt einhverjum karlfauskinum um þetta er ég nokkuð viss um að einhver kjánakonan hefur fundið upp á þess. konur eru konum verstar. hún hefur litið á tannþráð og vasaklút og ákveðið að spara og búa sér til nærur úr þessu. svo hefur vinkona hennar séð hana í fína dressinu og hugsað mikið er þetta smart og sniðugt, ég get leyft rasskinnunum að hlaupa frjálsar um í buxunum. eins get ég leyft hliðarböndunum að skerast inn í hliðarspikið og gert mig feitari en ella. maður getur litið út eins og bjúga með bandi! mikið er þetta góð hugmynd, ég vil koma þessu á sem tísku og til að tryggja það að þetta sé alveg örugglega óþægilegt fram í fingurgóma ætla ég að setja slaufur, semalíusteina og annars konar skraut alveg við rassboruna svo að það geti rispað rassinn á heimsku konugreyjunum sem asnast til þess að falla fyrir þessu.

til hamingju með ammilið helgipelg og hlöðver 37 og 21 grafarbakkinn bíður!

hvað er að íslendingum? er eitthvað í vatninu sem ég missti af?
jú jú gott hjá magna hann var ágætur í þessum rockstarþætti, en er ekki óþarfi að missa sig algerlega þegar manngreyið kemur heim?
það mætti halda að elvis hefði risið upp frá dauðum eins og fólk lét í smáralindinni í gær. ég ætlaði gjörsamlega að sniðganga þessa geðveilu en nei þessu var sjónvarpað og ég "neyddist" til þess að horfa á húsmæður úr borgarfirðinum missa hland þegar magni steig í salinn með sólgleraugu á nefinu í rigningunni á íslandi. manngreyið kemur heim til fjölskyldu sinnar eftir 3 mánaða fjarveru og íveru í sviðljósinu, finnst fólki líklegt að hann vilji koma í smáralindina og gefa 5 ára gömlum börnum eiginhandaráritanir í stað þess að fara heim til konu sinnar og barns og loka sig inni í mánuð! nei við heimtum að hann sýni og horfum svo á hann með aðdáun skekja sig á sviðinu syngjandi sama lagið og hann hefur sungið fjórum sinnum áður! jibbý!
velkominn heim magni

já september er hér. sumarið er horfið og venjuleiki vetursins að leggjast yfir mig. sumarið var nú ekkert spes reyndar en það er auðveldara að halda í vonina um gleði í júni en í október. það er augljóslega allt að fara til fjandans eins og svo oft áður. hamingjusamasti maður í heimi er dáinn og kjána grúppíurnar hans eru að skemmileggja fiskinn sem drap hann! já gáfumenni mikil augljóslega, fremjum tegundamorð út af einu skemmdu epli það í anda Irwins! sibbsið og drési eru stungin af til skotlandsins á ný og í þetta skipti ákváðu þau að stela áslaugu með sér! hrpmf. fengum þó lárus til baka þó að hún sé ægilega ástfangin og upptekin.
til að bæta gráu ofan á svart er ég orðin hreint alveg viss um að jónsi í sigurrós sé illmenni! hvert er heimurinn að fara þegar að maður sem lítur jafnsakleysislega út verður vondi gaurinn! ekki það að ég hafi neinar sannanir fyrir því. spænski rannsóknarrétturinn þurfti ekki sannanir ákkuru ætti ég að þarfnast þeirra!
ég vildi að snjórinn kæmi og frost mig vantar frost

ég las á bloggi hlunkberts hins fræga að stalkerinn hefði fært sig yfir á tölvuöldina og maður mætti ekki lengur hitta neinn án þess að hafa einhverjar illa fengnar upplýsingar um viðkomandi sem hann/hún/það vill engann veginn að þú vitir. ég að sjálfsögðu var ansi sjokkeruð, sérstaklega þegar ég uppgötvaði að ég hef barasta aldrei prufað að gúgla einn né neinn. ákvað því að prófa. og af vöntun af spennandi fólki í lífi mínu ákvað ég að gúgla gleðidýrið sjálfa mig. það gekk ekki vel. fyrst prufaði ég nafnið á venjulega gúglinu. ekkert. fullt af ingum jónsdætrum og þórum jónsdætrum og allar hafa þær gert eitthvað merkilegt en ekki komma um frábær afrek mín í lífinu! svo ég ákvað að friða egóið, það hlyti að vera ein mynd af mér einhverstaðar ekki satt, maður er nú svo sætur. færði mig á myndagúglið. ekkert það kom reynar ertu viss um að hafa stafað leitarorðið rétt og gæti þetta verið eitthvað annað! egóið er í molum og ég er ekki til í stafrænum heimi.

bananananas

ég trúi þessu ekki þjófnaður hefur átt sér stað. þeir sem hafa hitt mig í sumar hafa án efa heyrt mig segja orðið bananananas oftar en einu sinni og oftar en tvisvar þetta fallega orð hefur gjörsamlega tekið yfir heilann minn litla! ég var síðan í sakleysi mínu að skoða fallegu síðuna hennar láru og þar sá ég að einhver hópur fólks hefur skírt bloggið sitt þessu íðilfagra nafni! ég get svvvooo guðsvarið það að ég hélt að þetta orð væri einkafáránleikinn minn en hrfffmp áfram bananananas!

banananas banananas

þetta hefur verið sumar einangrunnar... ekki af valfrelsi heldur vegna of mikils súrefnis og gífurlegrarleti og þreytu sem ofnotkun þess leiðir til. í þessari einangrunn minni hef ég verið að horfa á myndir sem ég hef ekki séð í dágóðan tíma og notið þess mjög. ég er búin að sjá virgin suicides, gattaca, almost famous og indiana jones myndirnar ásamt mynd barnæsku minnar the good,the bad and the ugly. svo fékk ég líka félagsfælni og skítuga skó í keilu, kannski ekki sumar einangrunnar heldur sumar til að rifja upp unglingsárin!

sá pirates 2 í kvöld með tvíburunum góð einsog við var að búast en minn ástkæri sparrow er fullmikill vondi kall fyrir mig... maðurinn er guðdómur og þó 2 sé alltaf verri en 1 og 3 verst af þeim öllum get ég ekki beðið eftir því þegar guðirnir mætast á skjánum í númer 3 kannski hefur skósólinn fundi´ð nýja köllun og skákar hetju vorri

ég hef löngum kvartað yfir hækkandi aldri mínum.. en ég er ekki viss um að vanlíðan yfir sífjölgandi árum sé lengur til staðar. ég er umkringd fólki á aldrinum 14-16 alla daga og ég verð að viðurkenna að ég var einfaldlega búin að gleyma því hversu erfitt það er að vera á milli fullorðins og barns. greyin mín geta ekki ákveðið sig hvort ég sé þess virði að umgangast sem hundgömul kerling eða bara alveg ágæt og því koma dagar þar sem umræðurnar eru um allt og maður er spurður spurninga sem engin viti borin manneskja vill svara. næsta dag fær maður undarleg augnatillit og bakinu er snúið í mann. skapið hjá þessum greyjum breytist líka hraðar en veðrið, gott gott vont gott vont vont vont vont og svo framvegis. uggh ég minnist þess ekki að hafa verið svona óákveðin á þessum aldri(ojjj ég er að nota "á þessum aldri" eins og gömul kelling) .. ég man reyndar bara ekkert frá þessum árum einhver....

það eru allir að flytja út frá foreldrum sínum um þessar mundiR betra seint en aldrei. martan er að flytja inn á stúdentagarðana og nanna líka til hamingju fólk! mmm fór að skoða íbúðina hennar mörtu í gær og sótti í leiðinni myndavélina mína sem hefur verið í heimsókn hjá ungri dömu í hálft ár! nýjar myndir af síðasta djamminu sem þessi myndavél var viðstödd er því á myndasíðunni. myndirnar eru frá 13 jan.... geri aðrir betur

ég get svo svarið að biturðin minnkar með hækkandi sól og hita. bláminn hverfur einnig og ein og ein frekna stingur sér inn. sífelld innivera er horfin og útivistarveran í mér vaknar. útilega á næsta horni og til hamingju með miðvikudaginn. burtflognar kjánalýs snúa heim í hreiðrið og bjórdrykkja í hádeginu er merki um sól ekki alkahólisma. gleðilegt sumar loksins fólk

það er með ólíkindum hvað tímasetningar geta skipt miklu máli. tíminn frá júni fram í september er til að mynda að mínu mati töluvert skemmtilegri en október og febrúar og mars. veit ekki hvers vegna samt. ú ég ætla að kjafta lára er komin heim velkomin heim tútts

hin hliðin

ég hef komist í tæri við dökku hliðar íslands. ég fór mér til mikillar hrellingar í ljós áðan! við gengum þarna inn við systurnar, hún að sjálfsögðu á heimavelli og ég eins og eskimói í afríku! við biðum í röð í þúsund gráðu hita og ég byrjaði að sjá eftir þessari ákvörðun minni! meðan á biðinni stóð hófst ég handa við að skoða fólkið í kringum mig og leið enn meira eins og álfi út úr hól! allir þarna inni voru mjög dökkir á hörund og réðu vel við fyrrnefndann þúsund gráðu hita. ég hins vegar stóð þarna skjannahvít og fallega bleik í framan að kafna úr hita. svo var nafn systur minnar kallað og hún skildi mig eftir meðal ókunnugra og steig í bakherbergið. ég beið þó ekki lengi áður en mitt nafn var öskrað upp og ég hrökklaðist bak við. þar hófst leit mín að klefa nr. 6. ég opnaði sturtur og klósett og skáp áður en nr.6 blasti við mér. þegar í klefann kom stóð upp við vegginn risastór geimskip! eitthvað hafa ljósabekkirnir breyst síðan ég fór síðast. ég lagðist í bekki og setti á mig gleraugun og beið ljósin kviknuðu stiknunin hófst. geimskipið rumdi og humdi og splæsti jafnvel í það að spreyja á mig volgu vatni öðru hverju, góð hugmynd en ekki sú besta án viðvörunnar... fólkið í kring hefur haldið að ég væri að farast, öskrandi í tíma og ótíma. þegar loks slökknaði á bekknum hrökk ég í kút og klæddi mig æddi fram með skónna í hendinni og út í andrúmsloftið, eins og karfi í framan og það eina sem upp úr krafsinu fékkst var bleikara litarraft en áður og handfylli af freknum. og ég er 850 kr fátækari!
það verður langt í næsta tíma! ætli bekkurinn verði enn stærri þá?

það er alveg ótrúlegt hversu heimskulegt dagatalið er! af hverju eru 365 dagar og 1/4 í árinu og af hverju eru ekki bara allir mánuðirnir jafnlagnir, við þurfum einhverja heimskulega vísu til þess að muna hvort það séu 31 dagur eða færri í hverjum mánuði og samt tekst manni að verða fyrir vonbrigðum þegar fyrsti er ekki fyrsti heldur 31 og maður er barasta ekkert að fá útborgað! hver stjórnar þessu eiginlega? við ættum bara að hafa mánuðina númeraða frá einum og upp í 12 og þeir væru allir 30 daga. biturð mín minnkar ekkert og ég þoli ekki vorið og þar hafiði það

hvað finnst ykkur svo um glæsimennið Eyþór Arnalds?

sumar sól og stanslaus hamingja bíða mín handan við miðvikudaginn og enga að síður er ég full af reiði og biturð ekki nýtt sossum. ég er viss um að sólin og sumarið verða horfin á miðvikudaginn, sólin kemur ekki aftur í sumar það er ég líka viss um og er ég sitt hér í odda upplýsinganna og horfi út um gluggan í von um að geta að minnsta kosti horft út og notið sólarinnar í glugganum yfir fallegum stíg og grænu grasi eru vinnuvélar skítur og drulla það eina sem ég sé. hljóðin gera mig vitlausa, að minnsta kosti vitlausari og ég er að hugsa um að slá prófinu upp í kæruleysi og hlaupa út í sólina og fá mér bjór. veit samt að ef ég læt undan löngunum mínum myndi rigna eldi og brennisteini og hamingjusama eftirmiðdegið mitt myndi hverfa í snjóstormi.

biturð reiði og vonbrigði lita þessa síðustu daga prófa vonandi er lífið handa miðvikudags betra, vonin er þó þunn

ég hef verið að velta því fyrir mér í langan tíma hvað vantar eiginlega í okkur íslendinga, erum við svona af því að forfeðurnir eru of skildir eða er uppeldið bara svona heimskulegt? við sættum okkur við allan andskotann, látum taka okkur aftan frá af olíurisum og brosum svo framan í heiminn þegar þeir þurfa að borga einn tíunda af illa fengnum gróða sínum í sekt og svo lækkar bensínverðið barasta ekki boffs.
við höfum líka löngum talið okkur trú um að hlutirnir hérna séu svona dýrir vegna þess að það er svo helvíti dýrt að flytja þá inn... af hverju kosta þá helvítis páskaeggin milljóna kall á grammið. og af hverju látum við selja okkur kælt slef í glasi með járnbragði á 600 kr. 600 kr. ég þykist nokkuð viss um að "aumingja" bareigendur þessa lands kaupi ekki bjórbyrgðirnar sínar á 600 kall glasið, ekki einu sinni 60 kall og við brosum bara enn breiðar beygjum okkur framm enn einu sinni. og svo ég haldi nú áfram af hverju lækka gamlir geisladiskar ekki í verði, ég vil ekki kaupa mér 2unlimited disk frá 92 á sama verði og glænýja ofurdiska! (ég vil reyndar barasta ekki eiga 2unlimited)
við vinnum alltof mikið fyrir þessum örfáu aurum sem við svo eyðum í allt allt allt of dýra hluti, já að vera íslendingur er frábært, gerist ekki betra, en við hverju var svo sem að búast af fólki sem kaus davíð oddson yfir sig 100 sinnum í röð.

spurning um að yfirgefa landið eða hlusta á rússneska herforingjann og gera ísland að fangaeyju fyrir hættulegustu glæpamenn heims, segðu þeim að sígarettur kosti 580 kall pakkinn og reyndu svo að lifa það af!

hvað varð eiginlega um þetta ár og kannski bara síðasta ár líka? ég verð orðin 100 ára eða dauð hvort sem kemur á undan áður en ég hef tíma til þess að bregðast við. það er eins gott að einhver ykkar þarna úti finni upp vél til að gera mann ódauðlegann annars kem ég engu í verk framar. hmmm það sem ég gæti gert með ódauðleika ú eða ósýnileika og að geta flogið. er ekki einhver til í að redda þessu bara sem fyrst?

að horfa á sjónvarpið er eitthvað sem ég geri meira af en hollt getur talist...ég ætla ekki að hætta því, en ég komst nokkuð nálægt því að vilja aldrei framar kveikja á heittelskuðu sjónvarpinu mínu í gær, á skjá einum voru þeir að sýna beint frá ungfrú reykjavík, jújú það er sossum pirrandi í sjálfu sér að eyða tveim tímum af fínum dagskrá tíma í þessar beyglur(biturð) en þegar að þær tóku að dansa þrjár og þrjár saman við eitthvert hippeti hopp lag þá hélt ég að dagar mínir væru taldir. þetta er með því vandræðalegra sem ég hef séð í íslensku sjónvarp og stelpugreyin sem örugglega hafa ekkert búist við að þurfa að skekja á sér rassin fyrir framan alþjóð voru hreint alveg jafn vandræðalegar. ég held að nýr aumingjahrollur hafi verið fundinn. svo var stelpuafglapinn sem vann alveg kostuleg á svipinn, eins og hreindýr í framljósum! skilið þessum tveimur tímum til baka líf mitt verður aldrei samt.

skattaógeðisviðbjóður

það er alveg stórmerkilegt að eyða deginum í smáralindinni, ekki þar með sagt að maður geri það án þess að fá borgað. fólkið sem mætir í smáralindina fallegu klukkan 11 á fallegum laugardagsmorgni þegar sól skín í heiði og maður ætti að sitja í heita potti einhverstaðar úti á landi er ekki í lagi. en það er mjög skemmtilegt að fylgjast með því út um neon upplýstan glugga bodyshop. ég sá elstu konu í heimi labba framhjá á furðugóðum hraða. ég sá mann í wifebeater og stuttbuxum og sandölum með flugstjóragleraugu, hann greip sólina með báðum höndum hélt að það væri komið sumar. ég sá fullt fullt af skemmtilegum útlendingum með bros á vörum sem aðeins fólk sem er ekki í heimalandi sínu getur sýnt. ég sá lítinn strák að þefa upp úr ruslatunnu og verða steinhissa yfir því að lyktin væri ekki góð. ég sá konu með skrýtnar augabrýr og mann með eina alveg eyrnanna á milli. ég sá og hlustaði á konu segja mér frá því að það væri víst til krullukrem í bodyshop jafnvel þó að ég væri búin að sýna henni fram á að það væri ekki satt. ég fékk lífssögu húsmóður sem býr í hafnafirðinum á fimm mínútum, býst við að það hafi verið styttri útgáfan.
ég sá minnsta hund í heimi.

það var ekki mikið að gera í vinnunni

mér hefur löngum þótt alveg nóg um fjölda ofurhetja og hæpið sem er í kringum teikningar/teiknimyndir/bíómyndir með þessu fólki í aðalhlutverki. það er allt saman gott og blessað að fagna því að vitleysingar í allt of þröngum fötum ákveða að bjarga heiminum einn glæpamann í einu en hvers eiga misheppnuðu ofurhetjurnar að gjalda? hver gerir bíómynd um næstumósýnilegamanninn eða skrifar teiknimyndasögu um meðofnæmifyriröllukonuna?
á tímum umburðalyndis ættum við að taka höndum saman og styðja þessar misskildu hetjur, þær eru eins og rauðhærðir: meingallaðir en geta bara ekkert gert að því.

allt vald til minnihlutans

mamma mín sokkastelarinn

hmmm ég var að velta fyrir mér upphafi sitthvorsokkurinnveikinnar sem ég hef þjáðst af í nokkur ár og komst að þeirri niðurstöðu eftir vandlega ígrundaðar hugsanir og margar kjánalegar hugmyndir að líklegasta lausnin væri sú að móðir mín er sokkaþjófur! mind jú að það telst kannski ekki þjófnaður ef hún hefur verslað á mig sokkana í einskærri skömm yfir fallegum götóttum sokkum með blúndu á. en enga að síður fékk þessi grunur minn byr undir báða þegar ég flutti burt frá fyrrgreindri móður... ég hef fundið æ fleiri samstæða sokka með hverjum deginum sem líður og býst við að von bráðar hverfi þessi sjúkleiki af fótum mér og við getum minnst þessa daga með bros á vör og tár á hvarmi.

í fyrsta skipti í mörg ár entist ég út allan óskarinn bara til þess að sjá hver fengi verðlaunin fyrir bestu myndina. þetta var leiðinleg athöfn með leiðinlegum þakkarræðum og hóstinn var ekkert spes fyndinn og leiðindaliðið var sífellt að gjamma yfir brandarana til þess að útskýra eitthvað sem enginn vill vita. og svo þegar að maður er búinn að fá að vita hver vinnur hitt og þetta hlusta á leiðinda venjulegt fólk sem er ekkert frægt þakka mömmu sinni fyrir stuðninginn og verða fyrir vonbrigðum með akademíuna með val hennar á nær öllu þá galdra þeir ásinn úr erminni og segja mér að leiðindamyndin Crash vinni fyrir bestu myndina á árinu! hún var meira að segja ekki sýnd á árinu! frábært gleði að vaka yfir þessu dóti!


vildi að það snjóaði meira eða kæmi meiri sól, að einhver sem stjórnar þesssu gæti bara ákveðið sig! og að ég myndi hætta að tala svona mikið um veðrið!

þetta er ekki dagur daganna.
til að byrja með var ritgerðarpróf í dag og kennarinn minn ákvað að taka af mér glósurnar sem ég hafði gert fyrir ritgerðaprófið, ætli hún haldi að ég hafi svindlað? hún sagðist bara vilja skoða þær í samræmi við ritgerðina mína? það væri nú alveg eftir mér að láta reka mig úr háskólanum vegna svindls og ég fékk ekki einu sinni að svindla almennilega, hent út fyrir asnalegann misskilning töff.

og ofan í það þá gleymdi ég að kaupa árshátíðarmiða, jæja það er alltaf næsta ár. að vera heima á föstudegi að horfa á charmed er ekki svo slæmt er það nokkuð?

og það er allt í drasli heima og ég er ekki með stöð 2 og er alveg dottin úr nágrönnum.

ljóti helvítis dagurinn vona að hann komi aldrei aftur

sól skín í heiði og boðar að það sé sumar á næsta leyti. og mikið er ég fegin, maður getur skriðið upp úr svartnættis púpunni og brosað hamingjusamur út í lífið. leiðindavetur með engum snjó alveg að baki og mál til komið að dusta ryk af sandölum og sólgleraugum. árshátíð handan við hornið og maður veit ekkert hvað skal gera eða í vera. kannski bara grímuball í staðinn.

sibba á leið til láru öfundsýkin alveg að drepa mann og mús og vonandi skemmta þær sér jafnvel og við eigum eftir að gera í allsherjarpartýinu sem við höldum alltaf þegar þær fara af landi brott.

bless sibbiribbit og knús til láru kláru

mmm erfið helgi.... hefði ekki átt að djamma held ég svona á leiðinni í próf. gerði nákvæmlega ekkert á sunnudaginn þanngað til móðir mín ástkær sendi handrukkarann sinn að sækja mig í mat vegna þess að hún hafði gert svo stóra máltíð.... ætli hún sé að reyna að senda mér skilaboð... hringjum í Ingu af því eigum svo mikinn mat? mmmm nei kýs að taka því ekki þannig...
hver ákvað að setja kennarana yfir ég bara spyr.. tvö próf í verkefnavikunni? hver stakk upp á því og svo er líka tími á föstudaginn, það er ekki það sem vikan gengur út á. búið að ala mann upp í að fá þessa fallegu fríviku til þess að ná upp bjórdrykkju fyrir páskafrí en neiiii höfum próf og svo annað og svo hmmm tíma.
segjum þessum kennurum upp og fáum okkur öl á þeirra kostnað.

skál fyrir stundakennaranum.

mér er ekki vel við daginn í dag. ég vaknaði í morgun og hélt að það væri þriðjudagur. ég hélt mér í þeirri veiku von þar til út fyrir húsins dyr var komið og allir löbbuðu um með sykursætt bros á vör og önduðu frá sér bleiku skýi valentínusar. ég hélt áfram að halda í von um venjulegan þriðjudag þar af leiðandi að við erum íslensk og ekki jafn væmin þjóð og margar aðrar. svo fór ég inn í strætó. þar var enn fleira fólk með bleikt bros á vör og bílstjórinn óskaði mér til hamingju með valentínusardaginn. en þar af leiðandi að ég er vongóð og geðgóð ung kona ákvað ég að halda í vonina um venjulega þriðjudag ögn lengur. og fór inn í búð. þar réðst á mig eldri kona og spurði hvað ég hefði fengið í valentínusargjöf. þegar ég hváði og sagði ekkert horfði hún á mig með samúðaraugnaráði og sagði "kannski næsta ár". áður en ég náði að bregðast við var hún horfin inn í ostadeildina. vonin er brotin og þessi þriðjudagur verður ekki venjulegur framar, hans verður minnst sem dagsins þar sem vonin dó.

með hverri mínútunni sem líður þar sem í bý fallega pöddufulla húsinu mínu elska ég miðbæinn og tilveruna þar meira. hvar annarsstaðar getur maður legið upp í rúmi og hlustað á rigninguna leka niður skemmdu skemmdu þakrennuna með fallegu fosshljóði. og ef maður þarf ekki að pissa á 7 sekúndna fresti af þessu fallega fosshljóði sjá nágrannarnir um það að vera sífellt á klósettinu. nei annars ég er ánægð með sumarbústaðastemminguna í fallega fallega húsinu mínu og á eftir að eyða löngum stundum þar, með öllum nýju silfurlituðu gæludýrunum mínum.

þetta er skrýtin byrjun á ári, Láran horfin, komin með eigin íbúð, orðin gömul, skil ekki skólann(reyndar ekki svoo skrýtið, og svo ofan á allt annað er bara komið sumar í febrúar. sannir íslendingar vilja ekki sumar í febrúar sérstaklega þegar almennilegur snjóvetur á enn eftir að láta sjá sig.

kveðjur frá öllum pöddunum á bergþórunni

það er ekki góð byrjun á fallegum föstudegi að maður drulli sér framúr fyrir allar aldir til þess að labba í grenjandi rigningu niður í skóla! maður er blautur þreyttur svangur og ansi hreint pirraður og svo sest maður niður og er að kafna úr hita og bíður þess að kennarablókin komi... sem gerist ekki! hann mætti ekki í tíma helvískur, rúmið mitt var svo freistandi en ég stóðst freistinguna. hefði betur sleppt því. jukkk vona að bjórinn hjálpi mér að skríða upp í venjulegan pirrileikastöðul

burt með silvíu

og ég stel af vitleysing

hah ég vissi alltaf að spandex færi mér vel...

Your results:
You are Spider-Man

Spider-Man 90% Catwoman 85% Green Lantern 70% Wonder Woman 62% Robin 60% Iron Man 60% Superman 55% Batman 55% Supergirl 52% The Flash 50% Hulk 40%

You are intelligent, witty, a bit geeky and have great power and responsibility.

Click here to take the Superhero Personality Test

ég stel frá þórunni

heimurinn hefur löngum verið að segja mér að ég sé fúllynd og bitur... en maður trúir engum ekki fyrr en maður fær það sannað í strumpum...



Strumpapróf.

ég er orðin gömul. og eins og það sé ekki nógu slæmt þá er ég líka farlama. bjartir punktar samt flutningur yfirvofandi og verð komin með mitt heimili í lok vikunnar. upplifði líka frægð í svona 3 mínútur áðan. spes. á ennþá eftir 12 mínútur. hvernig stendur á því að konur eiga ekki að vita nokkuð um nokkurn skapaðan hlut, nema ef væri kynlíf og já hvernig íslenskum karlmönnum hefur tekist að klúðra málunum. "bitrir bókmenntafræðinemar sem vilja ekki eignast börn og sakna smokksins!" hvernig væri það sem fyrirsögn? þetta verður ekki fagur lestur hefðum átt að taka með okkur eigið upptökutæki!

það er flóknara en ég hélt að flytja milli húsa, samningur hér og samningur þar umsókn og þinglýsingar! hvernig á maður að vita þetta allt? af hverju er ekki gerð bókin "moving for dummies". ég vil ekki flytja lögheimili mitt, það erof fullorðinslegt. má ég ekki bara vera skráð mitt á milli? þarf ég að eiga þvottavél og vita hvað þinglýsing er? næst er það grafarholtið og slyddujeppinn

hóst hóst... ég hef fengið ótal kvartanir vegna myndadótsins sem er hér svo hér er nýr myndatengill. hættiði svo að væla........

þá er hann kominn dagurinn.

það hefur lengi legið við að ég sé að verða of gömul. á síðustu árum hef ég misst getuna til margs sökum aldurs og ég er ekki einu sinni skriðin yfir þrítugsaldurinn. ég er hætt að geta drukkið mörg kvöld í röð án þess að finna hið minnsta fyrir því. ég er hætt að geta sofið til 4 án þess að rumska. ég er hætt að fíla He-man. ég kvarta stöðugt yfir verði á hlutum (það er eitthvað sem maður á bara að gera eftir 70). og ég eyddi 10 mín í gær í að tala um veðrið! VEÐRIÐ. þegar maður er orðinn svo uppiskroppa með málefni að maður fer að ræða veðrið í smáatriðum og hafa gaman af þá er maður kominn yfir hlíðina. ég bjóst ekki við þessu strax. ég ætla að fara að anda í bréfpoka. ég fann hrukku! ætli það sé bréfpokinn?

kveðja úr afmælislandi

grátt

janúar ætlar ekki að standast væntingar mínar. snjórinn kom að vísu en í fylgd með honum kom viðbjóðsleg hálka og svo hláka þannig að núna er allt grátt brúnt og mjög dramatískt. ég held að þegar heimurinn sé grár geti maður ekki annað en verið dramatískur. til að auka á vanlíðan mína hef ég verið að horfa á band of brothers og já ég veit kaninn beint í æð en enga að síður eru þessir þættir æði erfiðir í meltingu og ég verð að viðurkenna að ég hef fellt nokkur tár í áttina að þessum þáttum. til að bæta móralinn skellti ég mér á tónleika í gær. Silla og sunna voru að syngja með Ljamala (veit ei hvernig það er skrifað) að spila undir. fullkomið kvöld fyrir ´þann janúar sem ég tel þennan mánuð geta verið. fullt af fólki og góð tónlist. smá þröskuldur þó að bjórinn kostaði 700 krónur sem að mér finnst ansi blóðugt fyrir einn flatan pilsner.

hamingjan og gröfin á næsta leiti 5 dagar í eftirlaun

í áframhaldandi tuði mínu út í alla hluti langar mig að grenslast fyrir um hvort einhver viti hver ákvað að breyta VHS í DVD? diskarnir virka barasta ekki. þetta rusl rispast á nokkrum notkunum og ef maður á hin fallega elfunk dvd spilara vill bara spila fullkomna diska gengur ekkert að horfa á þá. það er ekkert meira pirrandi en að vera að horfa á spennandi mynd þegar allt í einu allt frís og upp á skjáinn kemur unable to read disk. ekki minnist ég þess að það hafi komið fyrir þegar maður horfði á venjulega gamaldagsvídeó spólu! og ofan í það hvers vegna er þessum diskum skipt upp í tvö kerfi? til þess að maður geti alveg örugglega ekki horft á diska frá öðrum löndum? eða til þess að maður kaupi einn og verði síðan að kaupa annan vegna þess að hinn er ekki hægt að horfa á nema í fjarkistan! VHs spólur gáfu manni ekki svona mikinn pirring og mér finnst þær bara heillandi stórar... maður getur að minnsta kosti geymt þær eins og maður vill án þess að þurfa pakka þeim inn í bómul í hvert skipti sem þær eru teknar úr hulstrunum helvíti´

ég kíkti upp í Klink og bank í nótt, þeir eru að fara að loka í dag og nýjir eigindur að taka við húsnæðinu. við fórum til þess að skoða leifarnar af stórkostlegri hugmynd og urðum ekki fyrir vonbrigðum. það er ótrúlega gaman að skoða dótið sem skilið var eftir. vonandi finnur einhver sig knúinn til þess að lána þessu brilliant fólki annað húsnæði.

hver skapaði eiginlega g-strenginn? þetta eru án efa ljótustu nærbuxur sem litið hafa dagsins ljós. nógu slæmt var þetta nú þegar að 18 -25 stelpur voru gangandi í þessu en nú er svo komið að maður er litinn hornauga ef maður hefur ekki áhuga á því að ganga um með spotta uppi í rassgatinu og efni að framan sem lætur vasaklúta fá mikilmennskubrjálæði. þeir eru farnir að framleiða g-strengi fyrir börn... fyrir litlar stelpur.. hérna barnaníðingar gó nuts... og þegar að miðaldra konur fara að ganga í þessu líka ughhhh maður er í mesta sakleysi í einhverjum búningsklefanum lítur upp og langar mest til þess að klóra úr sér augun og fara í minniseyðslu til að losna við sjónina af 65 gamalli konu að troða sér í spotta og pjötlu sem ekki einu sinni er falleg á módelum. nei heyrðu nú gefið mér frekar nærbuxur sem sinna sinni skildu, þekja á manni feitan rassinn og halda sig í burtu frá borunni á manni.
við ættum að stofna undirskrifta lista gegn nærupjötlunni.

það er nýársheitið mitt að vera jákvæð og styðja góð málefni. ég get ekki verið jákvæð það er ekki í blóðinu svo ég verð víst að styðja málefnin, þetta er ágætt losna við DV

hvernig stendur á því að foreldrar ungra barna eru vissir um að allir elski litlu "englana" þeirra? það er nógu slæmt úti í veröldinni en þegar maður er lokaður inni í litlu rými með litla manneskju fyrir aftan sig sem ekki getur hamið sig er eins og helvíti hafi opnast og sé að sýna manni hvað bíður. litli engilinn vælir og vælir hálfa ferðina á meðan að faðirinn sem er að ferðast með því reynir að fá það til að hætta. hann brosir samt stoltur af lungnastærð sonarins og virðist ekki skammast sín hið minnsta að barnið sé að halda fyrir 100 manns vöku og trufla mikið hina 30! þegar að engillinn ákveður síðan að hætta að væla og fara að sofa og allir umhverfis hann anda léttar nei þá ákveður faðirinn að ýta við barninu og vekja það til að fara að syngja! já syngja. barnið vill ekki syngja en faðirinn gerir það enga að síður á fullum hljóðstyrk. þegar nokkrum hundleiðinlegum barnalögum er lokið geispar barnið og býr sig undir að fara að sofa aftur. faðirinn vill það augljóslega ekki heldur rífur barnið upp í "gönguferð um vélina" fáviti! strákanginn labbar því á eftir föður sínum upp og niður ganginn og er augljóslega orðinn jafn pirrraður á honum og við hin og sparkaði í sköflunginn á föðurnum jafnötullega og við hin vildum gera. Eggið að kenna hænunni.

Raunverulegi heimurinn er snúinn aftur

ég beiðist margfaldlega afsökunnar. svo virðist vera að ég hafi gleymt mjög einni manneskju í þessu klukkeríi mínu það var engan vegin viljandi og verður leiðrétt nú þegar:

Auður
1. þú býrð næstum því á Víðimelnum
2.Tarnation
3.vitabar matur þó ég hafi aldrei séð þig borða hann og einungis borðað þar einu sinni sjálf
4.í MH man mest eftir þér í efnafræði hjá Vésteini það er samt ekki fyrsta skiptið sem ég sá þig
5.órangútan kannski jafnvel útaf rauða hárinu
6.hefuru verið ljóshærð?

ég biðst aftur forláts vegna þessara mistaka minna.

hvernig stendur á þessari blogger vitleysu? getur einhver sagt mér það?

allavega loforð er loforð og þetta klukkerí er ekkert að fara so here goes...

Sibba
1. það verslar enginn eins og þú
2. girl from Ipenima
3. hrísgrjónaostabolludjúpsteikingardótið sem ég man ei hvað heitir
4. með hvítan eyeliner í russel peysu með ef þú böggar mig þá.. svip sem engum tekst að leika eftir. í 8bekk
5. lítinn sætan simpansa (veit ekki afhverju sorry)
6. af hverju ertu aldrei í lokuðum skóm?

Már
1. selfyssingar eru ekki eins og þú...
2. idle hands
3. bjór
4. að ganga inn á kvikmyndahátíðarfund, ægilega skerí. hélt þú hefðir villst
5. ekki bamba
6. af hverju kúrekastígvél?

Lára
1. stundvísi er dyggð
2. toggalag og howls moving castle
3. nings rækjur
4. langa stelpan bak við barinn á jónatan sem kynnti sig þrisvar.
5. letidýr með ægilega langar lappir
6. hvenær er jólaglögg?

Áslaug
1. kimonostelpan
2. disco 2000 með pulp
3. bjór já bjór
4. í MH. í líffræðitíma minnir mig þú varst sú eina sem ég kannaðist við. og þá úr rauða herberginu
5. flamingo
6. stinguru þér í sundi?


Davíð
1. perm er ekki smart
2. peaches allt með peaches
3. kjúklingur á prjóni í kokteilpartýi
4. ægilega einbeittur í bókmenntum minnihlutahópa. hélt þú værir mállaus. horfðir á okkur láru eins og við værum að villast
5. markött
6. hvar er restin af otrinum?

Sirrý
1. ich been einen kugelscreber
2. stuðmenn (hmmm ball á nesinu sorry)
3. lambið sem þú gerir svooo vel
4. þegar þú gekkst inn í rauða herbergið og ég þoldi þig ekki. urðum vinkonur 2 mín seinna
5. höfrung
6. er Bogart til sölu?

Sölvi
1. rauðvín hreinsar ekki föt
2. close up
3. rauðvín ekki í glasi
4. útataður í rauðvíni í torfhildarpartý sjá
5. hreindýr
6. drekkuru hvítvín?

þar kom það..

jólabarnið er dáið á ný. jólin búinog ég slpp víst ekki við þau núna... kannski næsta ár.

ég skaut mig í fótinn

Póstaðu í kommentin og ...

1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð/matur minnir mig á þig
4. Ég segi þér fyrstu ljósu minninguna mína af þér eða þá eftirminnilegustu
5. Ég segi þér hvaða dýr þú minnir mig á
6. Ég spyr þig að einhverju sem ég hef velt fyrir mér lengi um þig
7. Ef þú lest þetta verðuru að setja þetta á bloggið þitt!


jólin burt...

skild' það vera jólahjól

af hverju eru allir svona glaðir? fólk valhoppar niður göturnar með skítaglott á vör í nístings kulda sem það lætur ekkert á sig fá. afgreiðslufólk í búðum keppist um að bjóða góðan dag og óska manni gleðilegra jóla og farsældar á komandi ári... hvað í helvítinu kemur þeim við hvernig ég eyði jólunum eða hvort ég verð farsæl á næsta ári. ekkert.
gleðin í desember er of mikið fyrir mig. þegar ég fæ alla farsældina á næsta ári ætla ég að kaupa mér eyðieyju og vera þar í desember. jólalög í útvarpinu. jólaskraut allstaðar. jólasveinar.

kveðja Skröggur

svefn er fyrir aumingja

ég er að hugsa um að banna jólin.. að minnsta kosti fresta þeim. já það væri gottt. við gætum haft jólin í júní. jólagjafir yrðu ódýrari því við gætum kveypt þær á sumarútsölum. einnig væri ekki alltaf dimmt þannig að óþarfi væri að hengja út jólaskraut. jólasveinarnir væru í dvala og við þyrftum ekki að kljást við þá. best væri samt að þá væri desember bara eins og hver annar mánuður. hann myndi hætta að hafa þessa sérstöðu og hinir mánuðirnir myndu ekki vera eins öfundsjúkir. júní er svo góður að hann myndi ekki monta sig. ég legg því til að 24 júní verði aðfangadagur. og að við leggjum niður restina af þessu rugli. engan annan í jólum eða jóladag eða svoleiðis vitleysu...

það er erfitt að vera á lífi svona snemma morguns...

jólaskapið er dautt

jeppar og fólkið þeirra

ég hata jeppafólk. í umferðinni með símann á eyranu ekki horfandi í kringum sig. keyrandi hraðar en allir vegna þess að það er á jeppum. fólk sem fer aldrei út úr borginn, aldrei af malbikinu en á samt fjórhjóladrifinn risa jeppa með 1000" dekkjum. frábært. leggja í þrjú stæði af því að bíllinn er svo endalaust stór að annað gengur ekki. leggja fyrir fólk bruna yfir á gatnamótum í veg fyrir saklausa einstaklinga einungis vegna þess að "þeir" eru á jeppum. ég hata fólk á jeppum.

ég þoli ekki fólk í bíó sem hlær á óviðeigandi stöðum. var á The Iceharvest í gær, ágæt mynd sossum en það voru bjánar í salnum sem hlógu að öllu. konan þín er dauð AHahahahhahah. þú skaust konuna þína á aðfangadagskvöld ajahahahaah. og svo framvegis.

jólaskapið er mætt

gleðileg jól...

ég fór í bíó í gær. og í miðjum fyrri helmingi myndarinnar þurfti ég á klósettið (blaðran mín fylgir ekki reglum um hlé og getur ekki beðið eftir því að myndin sé búin. það er núna eða þú skilur eftir blautan blett í bíósæti) ég klofa yfir fólk er fyrir og kemst loks út úr salnum, fer upp stiga og opna hurðina að kvennaklósettinu, á móti mér tekur þessi líka dramatíska tónlist á fullum hljóðstyrk. þegar ég fer að hlusta betur tek ég eftir því að ég er að pissa við þemalagið úr The Godfather. geri aðrir betur.. mér hefur aldrei liðið jafnmerkilega og á þessari stundu. ein inni á myntugrænu klósetti að pissa í takt við lagið úr the Godfather sem er blastað svo hátt að speglarnir víbra. hátindinum hefur verið náð, leiðin liggur niður á við héðan...

þar af leiðandi að litlu systur minni hefur tekist að týna hulstrinu sem ég geymi flest alla geisladiskana mína hef ég upp á síðustu daga neyðst til þess að fara aftast í safnið og hlusta á elstu diskana mína, diska sem ekki eldast vel. ég þarf að hlusta á tónlist í vinnunni annars verð ég lasin svo ég greip gömludiskabunka með mér í vinnuna í gær. Lauren Hill var skemmtileg nostalgía og Kelis ekki svo mikið en vá hvað ég var búin að gleyma hversu skemmtilegir Incubus geta verið. hlusta á þá.

hvað er líka með versnandi heim. jólaleikur kók er hræðilegur. ég hélt að sumarleikurinn hefði verið ló point en nei.. man einhver eftir því þegar kók leikirnir höfðu almennilega vinninga, gsm síma og utanlandsferðir í stað einnota jójós og gerðu þína eigin skutlu leiðbeiningar. er kók að fara á hausinn eða?

skemmtilegt nokk

ég er ein af þessu ó só skemmtilega fólki sem skiptir sífellt á milli stöðva þegar auglýsingahléin byrja. ég einfaldlega höndla ekki auglýsingar, finnst þær ósegjanlega pirrandi og óþarfi og bara asnalegar. þar af leiðandi hef ég ekki horft á auglýsingar í háa herrans tíð, og er sossum ekkert að væla yfir því. en þegar jólin nálgast virðast auglýsendur tryllast við að troða einhverjum óþarfa hlutum upp á saklausan almenning og sjónvarpsdagskránni seinkar á hverjum degi vegna yfirgengilegs magns auðvirðilegra auglýsinga sem keppast við að selja manni allan fjandann. þegar maður hefur einnungis 4 stöðvar kemur alltaf sá tími kvölds að maður skiptir milli stöðva þegar hið hræðilega auglýsingahlé hefst, maður reynir að komast í öryggið á hinum stöðvunum en sér manni til hrellingar að það er engrar undankomu auðið... það eru auglýsingar alls staðar, á öllum stöðvum. og þá sá ég auglýsingu sem nú hefur bjargað trú minni á mannkynið á auglýsinguna og á jólin.. og það var ilmvatnsauglýsing meira að segja... þetta er auglýsingin fyrir Calvin Klein ilmvatnið sem ég man ekkert hvað heitir... jólunum reddað neyðist ekki til að biðja foreldrana um slyddujeppa eða heimilistryggingu í jólagjöf.

ammilisbarn

takk sibban mín fyrir frábært ammilisboð. fyrir dansinn sem olli blóði. fyrir allan góða matinn. og allt góða fólkið. fyrir húsnæðið og fyrir allt bara.
það eru myndir eins og alltaf þessa dagana...

dauði og drepsóttir

keðjubréf eru eitthvað sem ég þoli ekki, hatur mitt á þeim jaðrar við þráhyggju. enga að síður get ég ekki hjátrúar minnar vegna sleppt því að svara þeim. (ég er líka uppfull af sjálfri mér líkt og hún auður) og þar af leiðandi að bæði auður og áslaug hafa tekið tíma úr annars erfiðri dagskrá til þess að kitla mig verð ég víst að svara.

7 hlutir sem ég ætla að gera áður en ég dey
1. fallhlífastökk og/eða teygjustökk
2. læra að tala forn-grísku
3. gefa út leiðinlegustu bók í heimi
4. fá viðurkenningu í heimsmetabók guinness fyrir leiðinlegustu bók í heimi.
5. prjóna húfu
6. kaupa líkkistu
7. laga DVD spilarann minn

7 hlutir sem ég get gert
1. andað
2. kvartað
3. spilað kasínu
4. látið vaxa á mér hárið
5. reimað
6. drukkið bjór
7. drukkið bjór(ég veit að drukkið bjór er tvisvar ég geri það bara svo helvíti vel)

7 hlutir sem ég get ekki gert
1. margfaldað
2. þurrkað á mér hárið með hárþurrku
3. lagað DVD spilarann minn
4. talað hægt
5. stafað orðið þurka
6. eldað hrísgrjón
7. talað forn-grísku

7 frægir karlmenn sem heilla mig
1. Adrian Brody
2. johnny Depp
3. Vin Diesel (já það er rétt!)
4. Jack White
5. Clive Owen
6. Jordan Catalano
7. Seth Green

7 hlutir sem ég segi oftast
1. ég nenni því ekki


ég ætla hins vegar ekki að dreifa ógeði mínu og hef því ákveðið að kitla barasta engann.
þetta var nú skemmtilegt... (kaldhæðni ef það skildi fara á milli hluta)

ég vissi alltaf að ég ætti ekkert líf....

Your Monster Profile

Wild Vagabond You Feast On: Pie You Lurk Around In: Corn Fields You Especially Like to Torment: Crybabies

What's Your Monster Name?

... og það versnar bara í prófunum

Aumingjahrollur

ég ákvað að eftir erfiðan fyrirlestur með áköfum Marilyn Monroeum (lára sjáðu þetta er rétt skrifað!) að ég ætti skilið langt og fallegt sjónvarpskvöld... ekki svo að skilja að ég horfi ekki á sjónvarpið annars.. ég bara átti það extra mikið inni...
en dagskrá dauðans... fyrst var ég nú að reyna að finna eitthvað áhugavert en festist mjög ófrálst í Bachelornum... vá hvað sá gaur er mikill sori... búinn að sofa hjá öllum stelpunum í úrslitunum og hefur augljóslega verið ansi lélegur því ein af þremur segir nei og ein vildi segja nei en gat það ekki vegna þess að hin var á undan! svo var skipt yfir á Herra Ísland sem í sjálfum sér er frekar súr keppni en hver haldiði að hafi verið að kynna! Brjánsi sýra já ég sagði Brjánsi! Gaurinn úr Sódómu... Unnuuuuur UUUUnnur akkuru ertu sona blá ertu að kafna....
skemmtilegt að sjá hann án fallegu gleraugnanna sinna!
allavega svo skipti ég yfir á sirkus og horfði á stelpurnar í Playboy mansion rassskella hvor aðra og komst að því að þær eru með útgöngu bann sem hefst klukkan 9 á kvöldin nema þegar þær eru úti með Hef... alltaf lærir maður eitthvað nýtt!

ég ætti kannski bara að lesa á kvöldin við kertaljós og súpa hamsatólg úr bolla...

Um biturð

ég hef lengi verið kennd við orðið biturð... ekki af fúsum og frjálsum vilja en fólk í kringum mig virðist fast á því að ég sé bitur. og ég vil nýta þetta tækifæri til þess að segja við ykkur sem þetta haldið: ég er ekki rass bitur... eintóm blóm og sólargeislar hér...
það er bara ekki hægt að kalla mann bitran fyrir að segja endrum og eins álit sitt á örfáum hlutum... þið sem ekki gerið það eruð bara dauðyfli og hluti af samfélaginu sem er svoooo faux pas núna!
allavega ég er ekki bitur og þar hafiði það...


mikið eru íslensk orð asnaleg fiðrildi-rifrildi.

Heimsborgarar

Við Íslendingar höfum löngum talið okkur sem heimsborgara, Reykjavík þykist geta flokkað sig með borgum líkt og New York, London, París og Mílanó, þrátt fyrir að vera á stærð við hjólhýsagarð. Við erum sífellt að monta okkur af borginni, landinu og fólkinu... "við erum svo sérstök/falleg/öðruvísi." í gegnum tíðina höfum við geta platað okkur og aðra en ekki lengur... það getur ekki verið stórborg með heimsborgurum í sem leyfir hljómsveit líkt og Heitar Lummur að myndast! Nokkrir "krakkar" úr Idolinu sem eru of latir til þess að nenna að verða frægir einir og eru að stíla inn á heimsku landans hópa sig saman til þess að geta safnað saman nógu mikilli "frægð" til þess að komast á kortið. En letin endar ekki þar.. nei þau nenna ekki heldur að semja sína eigin tónlist enda flest búin að gefa út einn geisladisk í einhverju jóla/páska/sumar flóðinu sem gjörsamlega floppaði og enginn keypti nema ættingjar. svo núna stela þau bara gömlum lögum frá því fyrir 20 árum og setja í "nýjan" búning. Mömmur og pabbar tryllast við að heyra gömul lög æskunnar og kaupa diskinn í nostalgíu kasti til þess eins að komast að því að Bó og Rúni og allir þeir komu hvergi nálægt söngnum á þessum disk.
svo sitja heitar lummur sveitar í smáralindinni að árita diska fyrir áðurnefnda ættingja. Þess á milli kemur enginn upp að þeim og konan í kallkerfinu er orðin hás á því að reyna að fá fólk til að nálgast skífuna kaupa diskin og láta þessa bjálfa krota hann allan út. Frábært.

...það er heill gæsahópur í þessari færslu!

þegar ég heyri orðin based on a true story býst ég við að myndin sé í raun og veru bygggð á einhverjum sannnleika... kannnski er ég svona helvíti trúgjörn en mér var bara einfaldlega kennnt að trúa því sem mér eldra fólk segir... ég get því kannnski skammmað upppalendur mína fyrir vonbrigði mín yfir myndinni The Exorsism of Emily Rose. þannnig er nefnilega mál með vexti að ég held að þeir spili barasta hálft sekúndubrot af þesssum svoköllluðu uppptökum af andasæringunum og þeir selja nú marga miða út á það alllavega var minn keyptur til að heyra í þesssum uppptökum...
svo og að alllar staðreyndir eru ja hreynt út sagt vitlausar, prestarnir eru tveir til að byrja með og alllt þettta vesen með stigmata sárin killl me þau eru á vitlausum stað! hvernig væri að lesa sér til um málið áður en myndin er settt í umferð!
ég hélt líka að myndin myndi (hah) samfæra mig um tilvist andsetningu en nei í raun gerir hún akkkúrat öfugt við það... ég gekkk út af myndinni með það á bakinu að hafa látið kristna hvíta karl saksóknarann samfæra mig! og það er eittthvað sem ég bara vil ekkki hafa uppplifað... grátur og umræða um staðreyndir sem ekkki gefa möguleika samfærðu mig ekki og verjandinn getur bara farið heim að gráta í martininn sinnn.
helvíti eins og gærdagurinn var annnars góður...

ég puðra á þesssa mynd af ölllu afli.

djöfull eru White Stripes góðir... endalaust góð og gömul lög í bland við ný, og Jack White skipti oftar um gítar en góðu hófi gegnir. Vá hvað hann er góður á gítar og vá hvað hún er mikið æði og holy hvað tónleikarnir voru góðir.
Jakopína rína voru meira að segja stórgóðir þrátt fyrir að vera bara litlir strákar með stór hljóðfæri. söngvarinn var samt pínku pirrandi en það þroskast vonandi af honum þegar hann kemst upp úr grunnskóla.

Stórgott sunnudagskvöld þetta

The Bó Show

Broadway er alveg málið þessa dagana... Bó var æði og Vala var að missa sig yfir manninum eins og við allar
dansinn dunaði svo alla nóttina hjá vonda DJ-inum sem ekki vildi spila Foxy Lady fyrir mig og Lilju jafnvel þó við værum aleinar á dansgólfinu! góð musik enga að síður. maturinn var góður eins og myndirnar sýna svo glögglega og drykkirnir enn betri...
æði heima hjá sibbu og mohitoarnir voru stórkostlegir 100 rokkprik til sibbu fyrir þá.
Allavega Bó og það eru myndir

það var kaffihúsadagur í gær. komst að því að stelpur hafa skringilegan smekk á stjörnum. sérstaklega þessar tvær sem ég var að ræða við í gær. þar af leiðandi að við erum orðnar uppiskroppa með slúður og merkileg málefni ákváðum við að raða útlenska stjörnukarlpeningnum niður í þá sem eru sætir og þá sem eru ekki svo mikið sætir... og hin ýmsu nöfn tóku að fljúga... við vorum allar sammála um að Jared Leto hafi breytt ásýnd kynþroskaskeiðs íslenskra smástelpna með leik sínum sem Jordan Catalano í My so called life...
hins vegar blöskraði mér þegar ónefnd ung dama fór að stynja yfir Sam Rockwell, ég verð að viðurkenna að gaurinn er sniðugur en sætur eða sexy verður maðurinn aldrei.
einnig gátum við sæst á að Christopher Walken væri sexy og þá sérstaklega í dansvideoinu sínu...
Clive Owen, Jude Law, Ewan Mcgregor, Stuart Townsend og margir margir fleiri fengu einnig að kíkja á þennan lista sem endalaust er hægt að bæta við.
en hinn listinn... ekki svo mikið sætir karlmenn voru erfiðari, ekki svo að segja að þeir séu færri, þeir eru bara ekki eins minnisstæðir.. Philip Seymour Hoffman var þar eiginlega einn á lista... einhverjar fleiri hugmyndir?

hvar eru sænskar lesbíur í threesome þegar maður þarf á þeim að halda?

gleði, jólahlaðborð. marta byrjaði að búa sig undir þetta á mánudaginn og vala kemur í bæinn og allt...
humm white stripes endalaust gleði
nýjar myndir á þessu dóti....

ekki sjá Elizabethtown hún er vond

það er hræðilegt hvað það er orðið sjálfsagt að sýna kvikmyndir um líkamsmeiðingar. ég fór að sjá Hostel í gær. ég bjóst sossum við því að það yrði frekar mikið um blóðsúthellingar og þvíumlíkt vegna þess að myndin er samstarf Tarantínos og Eli Roth, maður á víst ekki að búast við öðru.
ég er ekki hrifin af hryllingsmyndum.. ég fór enga að síður á þessa mynd í von um að hjákátle sýn Tarantínos á blóð og afhöggna limi myndi skila sér í þessa mynd. svo var ekki..
ég held að ég hafi séð einn þriðja myndarinnar, restina voru hendurnar á mér að stökkva milli þess að vera að halda fyrir augun og eyrun. en í þessum litla parti sem ég sá var klippt á hásinarnar á gaur, borað gat á lærin og bringuna á honum með rafmagns bor hann skorinn á háls. stelpa missti augað og hún brennd í framan, strákur missti tvo fingur og fékk vélsög í fótinn...
og þetta er aðeins lítill hluti myndarinnar ég vil ekki einu sinni reyna að ímynda mér restina. (ekki mikið sofið í nótt ímyndun um að einhver sé að klippa á hásinina mína og mér þykir vænt um hana og vil ekki missa hana)
myndin er samt allt í lagi.. svefn er ekkert merkilegur

moldvarpan hefur unnið sitt verk vel eins og moldvörpum er einum lagið!! hér kemur því emailið hjá yfirmanninum það er iris@samfilm.is allir að senda sem fyrst enda er sýningin á morgun.

skál

sameinuð sundrumst við...

eins og mikið hefur verið rætt var ég svipt þeirri gleði að fá að sjá Quentin Tarantino tjá sig kvikmynd... ég hef verið reið og sár í marga daga og verið í tíðu sambandi við mannfýluna sem sá um að rústa vonum mínum: Leó. Nú hefur því verið otað að mér í gegnum samböndin mín við undirheimana að maðurinn sé að reyna að leyna þessu fyrir yfirmönnum sínum. hann hefur ekki sagt manni né mús frá þessum mistökum sínum jafnvel þó að velgerðir starfsmenn hans hafi verið að reyna að tjá honum um þessi mistök löngu áður en hann uppgötvaði þau sjálfur! mér blöskrar...
en undirheimasamböndin mín ætla að redda mér emaili yfirmanns Leós (vá eignarfall) og ég ætla að senda viðkomandi harðorðað bréf um málið! ég ætla sem sagt að kjafta frá Leó lús!
það má líka benda á það að undirheimarnir tjáðu mér það að ef að farið verður yfir höfuð Leós mun maður ef til vill komast á sýninguna umræddu og fá að hitta goðið. nú vil ég að þið fólk þarna úti sem misstuð einnig af goðinu geri slíkt hið sama.

mér datt í hug í gær að við Íslendingar eigum óskaplega fátæklegan orðaforða yfir blótsyrði. helvítis, djöfulsins, andskotans, fallbeygt mismundandi að vísu en samt. maður er nú ekki beint stressaður yfir því að einhver æpi helvítis þegar hann rekur tánna í eða er of seinn!!! ég yrði að minnsta kosti hræddari við manneskju sem hrópaði hástöfum appelsína ef hún missti af strætó. ég minntist á þetta í morgun og eftir að hafa rætt þetta aðeins þá komst ég að því að enska er einnig ansi fátæk af blótsyrðum. kannski er maður bara orðinn ónæmur fyrir þessu af því maður blótar svo
mikið sjálfur... ég veit ekki verða fullorðnir hneykslaðir ef maður blótar? það er líka einhvernveginn rosalegra að blóta á prenti...

skemmtilegt

ég fór að sjá "Ganga keisaramörgæsanna" um daginn. myndin var stórgóð, skemmtileg, dramatísk og agalega krúttleg með mörgæsir í öllum aðalhlutverkum. eftir myndina fengu áhorfendur síðan tækifæri til þess að tala við leikstjórann og spyrja hann um myndina. ég verð að viðurkenna að flest af því sem hann sagði fór fyrir ofan garð og neðan en eitt festist í hausnum á mér og ég hef eiginlega ekki getað hætt að pæla í þessu síðan. leikstjórinn sagðist hafa verið fyrst í 14 mánuði á Norðurheimskautinu (er það á eða í?) og þá hafi hann ákveðið að gera myndina, fór heim og fékk peninga til verksins og fer síðan aftur á Norðurheimskautið og nú í 13 mánuði. ekkert að þessu sossum... er það nokkuð? myndi ég eyða svona miklum tíma í úlegð fyrir eitthvað sem væri mér merkilegt? líklega ekki... hef ekki svona mikinn aga. ég dáist hins vegar takmarkalaust að þessum manni sem ég man ekki einu sinni hvað heitir... Luc eitthvað agalega franskt.
ætli honum hafi verið kalt í 27 mánuði? hvernig pakkar maður fyrir svona ferð? ætli hann hafi saknað restarinnar af heiminum?

ég var að eyða tímanum meðan ég var að bíða eftir strætó. ég ákvað að lesa myndbandablaðið. og þá rakst ég á þessa ágætu tilvitnun:
"ég segi ekki orð um það. Ég geymi það fyrir ævisöguna. Ég get samt sagt að það var mikið kynlíf."
og þessi ágætu orð átti Usher að hafa sagt um tímann þegar hann og P.Diddy voru herbergisfélagar! og hvað getur maður lesið úr þessu....

fyrir bílafólkið

svona líka ægilega fínn spoiler

útþrá

ég fæ útþrá svo til einu sinni í viku. en þessa vikuna er hún búin að vera svæsnari en venjulega. útlöndin bíða mín í hrönnum með hvert skemmtilegt ævintýrið á fætur öðru og ég kemst barasta aldrei í þau. á þesssu stigi málsins er útþráin orðin svo gífurleg að sálin að spila í kaupmannahöfn er orðin gífurlega spennandi kostur. ég heyrði af því á létt 96.7 sem ég hlusta núna stanslaust á í von um að vinna leik sem snýst um að koma manni á sálartónleikana umræddu! ég veit að þetta er ekki spennandi en ég get ekki að þessu gert, ég er viss um að þetta er einhvers konar sjúkdómur. ég er með útþrá á hæsta stigi læknir...
ég verð að fara annað en að vera á þessu klakastykki annars brjálast ég... verð orðin vitlaus um miðjan desember því lofa ég, það ætti að vera gaman að fylgjast með því.
ég vil líka minna ykkur enn og aftur á að það var fyrsti í gær.

fyrsti

ég varð bara að deila því með fólki að mér finnst þessi mynd hilaríus..

ég grét mig í svefn í gær. eftir langa og erfiða bið kom loksins að því að kíkja á nýju stopmotion myndina hans Tims Burton... Corpse bride og hún olli miklum vonbrigðum. Lassí var skemmtilegri!
ég get ekki að því gert að gráta mikinn snilling, hans gamla sýn á allt er horfin og eftir situr hollywood krakkamynd. eins mikla von og Charlie and the chocolate factorie skildi eftir í brjósti mínu um gæði Corpse bride brustu þær í gær. vonin liggur í þúsund molum á gólfinu í háskólabíó og ég fæ hana aldrei til baka. ég mun aldrei líta glaðan dag framar og veit að nú fer heimurinn til fjandans Dómsdagur er í nánd!

þá er kvennafrídagurinn liðinn og 30 ár í næsta. þessi dagur var nú bara góður og blessaður. ég verð að viðurkenna að ég fann til stolts yfir því að vera kona þegar ég sá galvaskar kynsystur mínar ganga niður laugaveginn með sultardropa í nös og baráttuorð á vör. Baráttuorðin hefðu nú mátt vera betri, svona fótboltasöngvar eru ekki alveg málið, en allt í góðu samt.
en ekki fengu allar konur frí. sum fyrirtæki gáfu öllum starfsmönnum sínum frí sem er náttúrulega gott og blessað, jafnréttið þið skiljið. en önnur létu það bara vera, sérstaklega fannst mér um það að konur væru að vinna í afgreiðslu, í sjoppum og á þessum miðbæjarkaffi húsum. og engin virtist kippa sér neitt upp við það. rjóðar konur með frí í vinnunni til að mótmæla launamismuninum pöntuðu kaffi af konum með lægstu launin sem neyddust til að vinna. eitthvað skrýtin mynd það? stelpukindin sem ég keypti af í sjoppunni tjáði mér það að "hún væri í vaktavinnu og hefði ekki tíma fyrir kvennafrídaginn". ég dauðvorkenndi henni og sárskammaðist mín fyrir að versla af henni, bað hana afsökunnar og hef hugsað mér að bjóðast til að vinna fyrir hana á næsta kvennafrídegi. svo að ég er bókuð 24 okt 2035...

en þrátt fyrir þetta var þessi dagur velheppnaður og ég sofnaði með von í hjarta um að við fengjum ef til vill jöfn laun fyrir næsta kvennafrídag.

kvennafrídagurinn

í dag er hinn margumtalaði kvennafrídagur. og það er ekkert nema gott mál. það þarf að beina sjónum fólks að því að konur hafa 44%lægri laun en karlar. en ég lenti í umræðum um þetta í morgun við vinkonu mína og við sömdum þá kenningu að karlar hefðu þetta hærri laun vegna fimmta útlimsins hver maður getur séð að fimm vinna meira en fjórir ekki sattt? og þá datt okkur í hug að við konur gætum grætt á okkur handlegg og þá væri málið leyst. handleggsígræðsla hlýtur að vera einfaldari en kynskipti aðgerð! valt þá upp mikilsverð spurning sem ég ýti yfir á ykkur : eru brjóst útlimir? erum við þá með 6 útlimi og ættum að hafa meiri laun en karlar! þá höfum við eitthvað að kvarta yfir! ég spyr því aftur Eru brjóst útlimir?

úfff

já þetta var erfið helgi, djamm bæði föstudag og laugardag... ég er gömul kona og svona er erfitt fyrir mig!! furðuleg kvöld bæði og ég leyfi bara myndunum að tala sínu máli....
RITSKOÐAÐ

önnur helgi... hvernig er þetta eiginlega er það bara ég eða eru vikurnar að hlaupa fram hjá? Það var febrúar í gær og nú er október að verða búinn, sér enginn neitt rangt við þetta...við verðum eldri með hverri mínútunni og höfum ekki einu sinni tíma til að njóta þess að fá hrukkur vikurnar fljúga svo hratt fram hjá.
Annars ekki að kvarta, önnur helgi er alltaf gott...

bless bergur

Bergur litli er farinn á vit ævintýranna í Tælandi. Bless bless Murkur minn og góða skemmtun ég kveð með tár á hvarmi og öfund í hjarta. Liljan mín við knúsum þig þanngað til hann kemur aftur. Öl í kvöld skál fyrir Murki.

Í algjörlega ótengdum hlutum---- ég byrja allar svona innfærsludót á jæja, of nota þetta orð líklega bæði á prenti og í máli verð að bæta það, svo lengi lærir sem lifir. eða er það öfugt svo lengi lifir sem lærir? drepst maður þá ef maður neitar að læra nokkurn skapaðan hlut? einhver til í að prófa? nei líklega er það hinseigin...

jæja...
Bless Murkur drauma okkar!

ég hef gaman að bíómyndum... það er sossum ekki leyndarmál að ég hef gaman að asnalegum myndum. Skemmti mér iðulega mjög vel yfir einhverri kjánamyndinni um ekkert, mynd sem ég gleymi hvað var um 7 sekúndum eftir að þær enda. En þær skemmta mér vel í þessa tvo tíma svo ég kvarta ekki yfir því en hvernig getur það verið að við séum orðin svo firrt að þeir eru að gera fleiri og fleiri kvikmyndir eftir tölvuleikjum, eins og þessari af hverjum megum við ekki bara hafa eðlilega þróun á hlutunum og fá tölvuleikinn eftir á?? hvernig vitum við hvort kom á undan... nógu slæmt er að geta ekki lengur fengið fólk til að lesa bækur því að bráðum kemur kvikmyndin og þá þurfa heilalausir meðborgarar mínir ekki að erfiða of mikið. Ok ef einhver er í skýunum yfir þessari þróun vinsamlega ekki segja mér frá því.. heimstyrjaldir hafa hafist af minna tilefni!

p.s. það er mánudagur, helgin var erfið og ég er pirruð og bitur þ.e. meira en venjulega....


ljós punktur það var partý gleði um helgina, takk fyrir það Marta og Sirrý, Mojito eru nýji fjólublár og appelsínugulur og bara allir litir

bara frægt fólk "má" vera með sólgleraugu í myrkri.
mmmmm...spongebob er flottastur

jæja af gefnu tilefni(og þrýstingi) takk Davíð fyrir að koma myndunum hérna inn. Ég er fatlafól á tölvur og get engan veginn bjargað mér neitt svo gott að hafa tölvugúrú(a.k.a. nörd) sér til aðstoðar....

nei í fyllstu alvöru Takk heimurinn þakkar þér


vil líka taka pláss til að óska hinni stórgóðu Láru til hamingju með daginn, og það á ekki verri degi en föstudegi sem kellan verður 22 stórgóður aldur það. Frétti frá ónefndum aðilum að Usher ætti líka ammili í dag en hann fær eigi hamingjuóskir frá mér enda Lára mun merkilegri!! Gleðilegt ammili Lárus afi

jæja myndir loksins komnar inn á þessa síðu! reyndar er þetta allt í einhverju hassi, allar möppur skringilega merktar og aðalmappan heitir london sem hún átti alls ekki að heita en svona yfirgripsmikil er tölvukunnátta mín að ég get ekki breytt þessu!

ég varð þeirrar lukku aðnjótandi að fara í hádegismat með Láru Kláru fyrir nokkru síðan. Í miðri máltíðinni þurfti ég að pissa sem er nú ekki frásögu færandi nema að á leiðinni á klósettið datt mér dálítið í hug. Við vorum inn á Apótekinu og þar er ansi erfitt að finna klósettið og þá datt mér hug hvort að staðir Reykjavíkurborgar mældu gæði sína á því hversu erfitt er að finna klósettið, því erfiðara, því fínni staður. jú sjáiði til, fyrst á svona fínni stað þarf maður yfirleitt að leita að hurðinni á klósettið sem að nær undantekningarlaust er falið bak við einhvert fatahengið eða barinn. Þá taka við ótal gangar og stigar með skiltum sem lofa því að klósettið sé á næsta horni. Þegar maður hefur gengið í nokkurn tíma og er orðinn nokkuð langeygur eftir klósetti finnur maður að lofthæðin lækkar og rakin eykst til muna, maður er kominn ofan í kjallara. Kjallara þar sem dvergur ætti í erfiðleikum með sig hvað risi líkt og ég...
þegar loks maður eygir hurð er það undantekningarlaust einhver krúttleg mynd framan á sem bendir til þess að karlmenn létti á sér innan þessarar hurðar. svo við konur örkum ögn lengra og myndin segir að sem kvenkyns megi ég ganga inn og ljúka mínum verkum. þegar inn á klósettið kemur er harkaleg breyting á umhverfi, það sem áður var saggalegur kjallari fram á gangi er nú orðið draumur innanhúsarkitektúrsins, nýjasta nýtt í baðvarningi. Ekki þar með sagt að nýtingin sé góð enda skiptir útlitið öllu ekki satt. klósettin í nýtískulit ( mér er sagt að fjólublátt sé nýji appelsínuguli) og vaskarnir svo flóknir að ekki öllum er gert að kveikja á þeim. eitthvert listaverkið er þarna inni og tekur upp mest plássið enda þurfum við list þegar við sitjum á klósettinu. speglarnir eru ógurlega flottir en maður getur yfirleitt ekki nýtt þá, tískan fyrirbyggir hentugleikann. Svo þegar maður hefur lokið sér af tekur við göngutúrinn til baka.. þegar að borðinu kemur situr langeygur vinur manns og spyr hvað varstu eiginlega að gera þarna niðri.. þú varst svo lengi í burtu...

næst pissa ég úti, það tekur styttri tíma....

octobrrrrrfest

já í gær var svo oktoberfest. Helvíti gaman haaaa? Mér finnst að við ættum að gefa þýsku nemum verðlaun fyrir þetta partý? eina fólkið sem nennir að standa í að halda partý fyrir alla háskólanemana gott framlag í bjórsarpinn það...
þetta var kannski pínku troðið og með pínku þá meina ég að ég gat ekki dregið andann án þess að fá hárið á einhverri skutlunni upp í nefið, ekki að það sé vondur hlutur en mig vantar súrefni mun meira. vonir mínar glæddust þegar ég sá að fólkið hafði náð á einhvern undraverðan hátt í sæti, hverjum þau sváfu hjá til að ná í þetta forláta borð veit ég ei en allavega þurfti ég ekki lengur að anda að mér hári sem er alltaf gottt mál.tónlistin á þessu shindiggi var alveg með eindæmum góð, og ég hitti marga drauga úr fortíðinni sem er líka gott mál. fullt af bjór, fékk meira að segja forláta krús til eignar, svo að ef á allt er litið var þetta bara ansi gott partý.
svooo ákvað ég að labba heim! það var ekki góð hugmynd! ég kann ekkert að labba heim yfir þessa vegavinnu maniu jafnvel þó að mér hafi verið leiðbeint oftar en einu sinni. svo að ég óð drullu og sand upp í nára, synti í pollum á stærð við haf og þurfti að brjóta ísinn með nefinu til að komast áfram. þegar upp úr pollinum var komið var stóór gjóta fyrir framan mig sem ég þurfti að klifra ofan í og upp úr aftur, stökk svo yfir læk og komst yfir hindranir margar alltaf með bjórkrúsina í hendinni, svo er sagt að ungdómurinn kunni ekki að bjarga sér! ævintýri vikunnar lokið ;) Áfram Þýskunemar

meira klukk

ætla að klukka þórunni London búa einnig og Sirrý þú ert líka klukkuð. og svo benti Lára mér á að Davíð hefur ekki svarað klukkinu hennar, hann er því hér með klukkaður af mér líka og verður því að skila 10 ónauðsynlegum upplisýngum um sjálfan sig svo að þið hin sjáið að það borgar sig ekki að bíða mú hhahahahhah mú hahahha.
og helga systir ef þú einhvern tímann slysast hingað inn þú ert klukkuð líka.

klukk

ég hef verið klukkuð..... og fyrir ykkur sem ekki skiljið hvað það er (ég var að læra það fyrir 2 dögum) þýðir það að maður á að skrifa 5 tilgangslaus atriði sem enginn vissi um þig......

# ég les Ísfólkið. kemur kannski engum á óvart en það sem þið ekki vitið er að þessar bækur eru snilld ég sem og aðrir gerum grín að þessum bókum og ég skammast mín stöðugt þegar ég er að lesa þær. en það verður að hafa það þó ég verði grýtt í næsta bókmenntafræðipartý....ísfólkið er æði! Klám galdrar og drama allt í litlum 47 bókum og þar hafið þið það...

# ég hekla. Þetta er það ónauðsynlegasta sem ég kann og samt er úr miklu að velja... ég get heklað töskur og hatta og allir fjölskyldumeðlimir mínir eiga tvennt af hvoru....

# ég horfi religiously á Buffy the vampire slayer og mér finnst hún æði!! og ég er ekki að horfa vegna þess að Sarah Michelle Geller er svo sæt eða svo flott eða hvaða rugludallaástæður fólk hefur fyrir því að glápa á þessa þætti... mér finnast þeir einfaldlega svona skemmtilegir punktur.

# ég hef talað við Penelope Cruz í símann.. og ég var ekki að hringja í hana...

# það allra leiðinlegasta sem ég geri er að sofa. Að sofa meira en 5-7 tíma á sólarhring er það asnalegasta sem til er, og að leggja sig á daginn er eitthvað sem fullfrískt fólk ætti ekki að gera maður sefur þegar maður er dauður. hatur mitt á miðdagsblundinum er slíkt að það jaðrar við þráhyggjuáráttu. þeir einu sem hafa leyfi til að eyða lífinu í að leggja sig eru eldra fólk sem hefur gert meira en ég í lífinu og ég get því ekki skammast í þeim og svo veikir vegna þess að já þeir eru veikir...

núna skal klukkinu haldið áfram og ég klukka hér með Lilju og Sibbu og þið hinar sem ekki eruð skráðar á þessa síðu eigið barasta að skrá ykkur og vera klukkaðar

ammili

jæja nú eiga systur mínar báðar amili 23 og 24 sept. frekar illa skipulagt hjá foreldrum vorum. ég er fegin að fá minn einka afmælismánuð!
litla systir mín er orðin 20 ára og lætur mér líða eins og ég sé hundrað. LITLA systir er 20 ára!! þarf að segja meira. árin fljúga fram hjá og ég verð eldri með hverri mínútunni, og anda rólega í bréfpoka, virkar plast poki nei að kafna!! gömul og vitlaus og með enga stefnu bý hjá mömmu og pabba sem að jaðrar við að vera perralegt og sé fram áað vera hér lengur vegna fjárskorts. ég erí fullorðinna manna tölu og á við fjárskort að stríða sökum yfireyðslu, mig vantar bara að eiga slyddujeppa og hús í grafarholti og þá er lífið fullkomið.
til hamingju með afmælin elsku helga og jóna 20 og 36 við erum á grafarbakkanum greyin mín.
yfir og út geitin Sylvía

byrjuð í skólanum. Loksins verð ég barasta að segja, sumarið er búið að vera fínt en ekkert topp sumar og ég bara hlakkaði til að byrja í skólanum aldrei þessu vant. Lýst vel á hlutina svona fyrstu tvo dagana og held jafn vel að ég eigi eftir að reyna að standa mig betur en á síðustu önn þar sem allt gekk svona helst til letilega!
það var gaur að byrja laga hjá okkur garðinn, soldið seinn finnst mér en allt er betra heldur enn rusla/arfa frumskógurinn sem búinn er að vera hérna fyrir utan í sumar og gefa til kynna að inni í húsinu búi fólk sem að er haldið mikilli félagsfælni og geti ekki stigið út úr húsi nema á´jónsmessunótt til að baða sig nakinn í dögg arfans í garðinum!
vonandi verður garðurinn almennilegur eftir snyrtinguna
gleðilegt skólaár

símadót

núna finnst mér gsm síma þróunin komin út í vitleysu, við verðum bókstaflega að eiga síma sem getur tekið myndir sent email tekið við faxi verið með infared sem enginn virðist þó kunna að nota almennilega!! og ég er alveg viss um að þegar að maður kaupir síma virðast þessir hlutir lífsnauðsynlegir.. ég get ekki verið án þess að síminn minn geti tekið upp hljóð jafnvel þó ég noti þann fítus aldrei! en eitt er það þó sem ég myndi vilja losna við úr símanum og það er að geta séð sms sem maður hefur sent sjálfur út! þetta er fáránlegur fítus, ég vil ekkert vita hvaða bull og vitleysu ég var að senda fólki í mjög misjöfnu ástandi, eða lesa aftur dramatísku smsin sem maður sendir fólki af djamminu þegar að það liggur heima í rúminu. maður lemur hausnum nógu mikið í vegginn yfir einhverju sem maður sagði að maður vill helst bara gleyma því sem maður skrifaði en það er ekki hægt því það er skráð inn á símann og maður getur lesið það daginn eftir og blótað sjálfum sér í sand og ösku fyrir fáránleg orðin sem frá manni koma á tólfta g´n t!!!!
stofnið með mér samtök gegn þessu!
heimurinn hefur ekki þörf fyrir svona.

ég vil taka þessa stund frá í það að gráta yfir því að þurfa að fara í sumar próf. reyndar get ég bara sjálfri mér um kennt að hafa ekki lært nægilega vel undir prófið síðast en ég vil enga að síður að þið vorkennið mér og öðrum sem neyðast til þess að taka slík próf um mitt sumar í góða veðrinu.. ok í rigningu og roki en samt þið vitið sumar...
ok ég er bara að kaffæra sjálfa mig gleði.
svo vil ég enn og aftur blóta stúdentagörðunum: blót:
og stelpur mínar heittelskaðar reynum nú að vera aktívari í þessu og getur einhver sagt mér hvernig hann skráði sig sem blogger hérna því ég var að reyna að skrá elínu og gat það ekki því tölvur hata mig og grátur...
yfir og út

sumarið er að verða búið

jæja nú fer þessu sumri að ljúka! ég kláraði í dag síðasta daginn minn í Öskjuhlíðinni innan um unglinga og gamla perra.
ég er ekki alveg viss hvað ég á að hugsa um þetta, sumarið hefur verið allt of stutt, það er varla byrjað áður en því lýkur svo maður tali nú ekki um veðrið!
ég fer til London (a.k.a Súdan) á morgun. hlakka til en sprengjur..
partur af öllum íslendungum er þannig að maður neyðist til að fá sér bjór upp á leifstöð jafnvel þó klukkan sé 6 um morgun og maður sé með stírur í augunum eftir svefninn. Hlakka til að fá mér bjór á leifstöð. hvernig er sumarið ykkar?

Bátafólkið

váá við kíktum í artic rafting í gær, urðum að sína Teis útlendingunum hvernig íslendingar haga sér í vatni!! og gvvvvvuð hvað þetta var gaman!!
Þetta byrjaði nú reyndar á því að bátafólkið hafði bókað allt of marga svo að við lentum í því að þurfa að vera í hundrað ára gömlum flotgöllum í stað últra kool blautbúninga ( ég hef bátafólkið grunað um að hafa ekki viljað sjá mig í leggings!!) en maður sættir sig við allt frá fólkinu sem að er að fara að "bjarga lífi" þínu á leið niður ánna!
Við fórum af stað einna síðust af stað og ég var búin að fylgjast með fólki í fyrstu flúðunum og gera grín af þeim sem duttu út í rétt komnir tvo metra!! ég hefði ekki átt að gera það ;) ... ég datt út í eftir hálfa mínútu og Nína hetjan mín kom mér til bjargar.. ég hló svo mikið að ég gat varla róið meira! æði...
svo fengum við að stökkva af klettum, synda í flúðum, leika jafnvægislistir á blöðrunni og við veltum bátnum og silgdum honum öfugt!! 3 tímum síðar blaut köld og ánægð var komið að landi og þá tók við 15 mínútna gangur upp í móti að húsinu sem hefði alveg mátt sleppa svona blautur með stígvélin full af vatni!
en ég mæli með þessu og sting upp á að við fáum fleiri með næst og gerum þetta að árlegum hlut... það er 12 tíma rafting ferð sem Nína var búin að fá augastað á fyrir næsta skipti allir með ;)

kveðja blauta rottan

Kleprahengið

Ég vil bara nefna að þessi sumarbústaða ferð sem farin var núna um helgina var sú besta í manna minnum og ef elstu menn muna lengur skulu þeir bara gera svo vel og gleyma því.
Sólin fór ekki bak við ský nema rétt undir nóttina og þegar við hugsuðum til fallina vina í Reykjavík sem ekki komust sökum anna!! Ykkar var sárt saknað!

En eitt var það sem lærðist nýtt um helgina og það er hversu gott orð orðið kleprahengi er... við þ.e. ég og Steinunn eyddum stórum hluta laugardags að flissa yfir þessu orði en nú spyr ég getið þið sagt mér hvað orðið merkir?? ég veit það og núna veit steinunn það en vitið þið það??

Einnig hefur Sirrý löngum kvartað yfir því að hún hafi ekkert "nick name" innan hópsins, en á þessari helgi gleðinnar var það fundið héðan í frá verður hún ástúðlega kölluð Bremsufarið!! Geri aðrir betur! (Hún er svoooo brún eftir þýskaland íverið að við erum öfundsjúkar þess vegna fær hún þetta gæða nick ekki af því hún er með bremsufar!!)

alla vega vonandi verður þessi helgi endurtekin ár hvert og helst oftar... við komum með áfengi heim hvernig væri að fara aftur um næstu helgi??

Gleðileg jól kveðja páskahænan

enn meiri Höskuldur og Fjalar

Ég vildi bara nýta þetta tækifæri til að þakka auðsýndan stuðning við fæðingu þessarar nýju bloggsíðu. Við stelpurnar erum nýjar í heimi bloggsins og höfum átt í örðugleikum með að stíga okkar fyrstu skref. En tveir ungir menn hafa samt alltaf stutt við bakið á okkur á þessum erfiðu tímum. Í gegnum súrt og sætt hafa þessir drengir verið til staðar fyrir okkur, takk Höskuldur og Fjalar fyrir að bjarga þessari bloggsíðu frá stóru ruslafötunni á himnum. kossar og knús

.... takk líka þið hin

%&$#%&%$#!!!

helvíti, djöfull lífið er búið!!!
nú í hamingju minni hélt að ég væri að komast á lista yfir fólk sem er alveg að fara að fá húsnæði á stúdentagörðum, ég var komin niðurfyrir 20!
Núna sit ég eftir í skítnum með sárt ennið númer 81 á listanum, ég fæ aldrei húsnæði og neyðist til að búa heima hjá m og p alla ævi. Ég mun ekki áfellast ykkur fyrir að hætta að vilja þekkja mig, hver vill þekkja einhvern sem býr heima hjá foreldrum sínum um 40! Núna verð ég að vera atvinnulaus aumingi með hor! það sem stúdentagarðarnir hafa lagt á mig..
Grátúr ....sniff ... vorkenna mér....

Má ég spyrja hvað í helvítinu gengur eiginlega að okkur Íslendingum að kjósa mann eins og Halldór Ásgríms sem forsætisráðherra??
Maðurinn er fífl, sá einhver viðtalið við hann um sprengingarnar í London?' Umm... já þetta er ekki sambærilegt við 11 september en gott er að bera það saman....... já málsnillingur.... Þetta kemur ekki bara bretum við, það á að hugsa um heiminn í þessu samhengi líka.... já svoldið fljótur að snúa þessu uppa samúð fyrir okkur.... Íslendingar eiga eftir að eiga erfitt með þessar fréttir.... humm já en ekki breta sem búa í London, allt skal vera um okkur aumingja við......

Manninum tókst að snúa sprengju árás upp í einka samúðarstund Íslendinga í 3 setningum, ekkert nefndi hann heldur um að styðja breta eða veita þeim samúð okkar, ekkert var nefnt um Íslendinga sem eru búsettir í London af hans hálfu neiiii bara aumingja við út af þessu.

Samúð mína til London. Hörmungar sem þessar mega ekki kenna hatur.

Hvert fara týndir sokkar?

Væl

jæja vælukjóar!!!
hér hefur ansi mikið verið vælt um að við séum ekki nógu duglegar að blogga hérna inni!! það vonda við að reyna að laga þetta er að líf mitt er svo ómerkilegt þessa dagana að ég hef ekkert um að skrifa! svo þið sem vælið yfir þessu þið vitið hver þið eruð: takk fyrir að minna mig á hve innantómt líf mitt er og hversu ómerkileg ég og mitt vinafólk er. ég vona að þið sofið vel í nótt þið sem eigið meira líf en ég vitandi vits að þarna úti er einstaklingur sorglegri en þið!! ;)
kveðja bitrasta manneskja sunnan alpanna ( norðan þeirra er víst maður sem er bitrari en ég, ég verð að hitta hann, hann er tvíburasálin mín)
Gleðilegt sumar!!!

Gamla gamla kona

tíminn er ansi afstæður ekki satt?
ég "lenti" í því í sumar að vinna sem leiðbeinandi hjá Vinnuskólanum sem þýðir að ég er hangandi með 15 krökkum úr níunda bekk alla virka daga. Mér finnst ég nú ekkert rosamikið eldri en þau!! ok kannski langt síðan ég var 15 ára en ég er nú ekkert á grafarbakkanum. enga að síður eru þessar elskur handviss um að ég sé að minnsta kosti 30, og ég var einnig spurð hvað ég ætti mörg börn!! ekki hvort ég ætti börn! þegar ég játaði fyrir þeim að eiga ekki eitt einasta kom spurnar svipur á þau og einn sagði " af hverju áttu ekki börn, þú ert orðin svo gömul?" Allt í lagi! ég er ekki enn þá fallega 14 en óþarfi að láta eins og maður sé að dauða kominn! 6ára börn og yngri mega spyrja svona ekki 15 ára gamlir krakkar! Ég er að hugsa um að mæta með göngugrind í vinnuna ámánudaginn!
Kveðja Elsta konan í Öskjuhlíðinni

´Greinamerkjanotkun

Því var fleygt hérna á síðunni að ég nota of mikið af greinarmerkjum og þá helst upphrópunarmerkjum. Ég vil verja þessa notkun mína aðeins, til að byrja með þá finnast mér greinarmerki og þá sérstaklega upphrópunarmerki góð til þess að lýsa ástandi mínu og tilfinningum mínum þegar greinin er skrifuð og lesin. Það er ekki þar með sagt að ég myndi nota slík merki undir öllum kringumstæðum , en mér finnast þau eiga við á síðu sem þessari og svo eru þau líka bara svo skemmtileg. Hættið svo að kvarta, næst nota ég bara endalausa broskalla muhhhahahahahahmuhahah !!!!!!!!!!!!!!!!!!!!!!!!!!!! Skál fyrir greinamerkjum og notkun þeirra og þrefalt húrrahróp fyrir upphrópunarmerkjum: HÚRRA, HÚRRA, HÚRRA.

helvíti

andskotinn...... ég er núna búin að vera á lista hjá stúdentagörðunum í heilt ár!!!!!!´og í síðustu viku hélt ég að það væri alveg að fara að koma að mér, ég var númer 14 á listanum en neiiiiiiiiiiiiiiiiiiiiiiiiiii núna ákveða þeir að ég sé ekki nógu merkileg og það er búið að bömba mér í sæti 22 hvað er það eiginlega.,.......... djöfulli ómerkilegt þykir mér!!!!!!!!!!!!!!! ekki sátt to say the least..................

Dauðinn

halló.........
ég fékk fréttir dauðans í dag, vinnan mín sem ég var svooooo ánægð með hefur breyst í dauðans angist mína!!!! ég er að fara að vera flokkstjóri yfir únglíngum og var bara helvíti ánægð með þá vinnu en núna........ núna er ég komin með upplýsingar um flokkinn minn og hvar ég á að vera...... ég er í Breiðholtinu með alla gettó krakkana.......... ég er hrædd mjög mjög hræddddddddd....... hvað á ég að gera við svona gettó krakka hummm hræðslan er að komast á hættulegt stig......... ef ég lifi ekki sumarið af þá elska ég ykkur öll og sakna ykkar sem krækiber í helvíti.